五星級牛排

今日龍爺親自為為我下廚. 佢話我係佢既上賓唔比我入廚房幫佢, 我唯有乖乖等食.

龍爺買既只係四十蚊都唔駛就有兩塊既肉眼, 不過一d都唔差喎, 肉味好重而且佢煎到岩岩六成熟唔會太老又唔好成塊血水, 正!! 再加d用牛油炒過既粟米粒和鮮奶薯蓉, 今次貝拉食到好滿足, 不過我都好乖食完有幫手洗碗.

食時灑少少海鹽和黑胡椒

愉快的一天

今日同媽咪飲完茶之後家姐上來打wii, 我地兩個都玩得十分開心又叫又跳成個大細路咁, 不過都係應同越多人越好玩越開心既道理. (那麼家姐請你買多一set手掣過來下次3打好了)

之後去左剪頭髮, 龍爺原本想剪個劉華頭卻比我笑佢剪左個"爸爸閉翳"夏雨頭出來...... (大笑)

夜晚同奶奶食完生日飯之後約了火兄出來食糖水, 席上我將所有在生活上, 工作上, 人事上鬱結良久的都一一訴說出來, 個人當堂舒服哂, 大家有說有笑好快就過左兩個鐘了, 最後火兄仲陪我地去搭970x添. (真好!!)

最佳損友

最佳損友

作曲：Eric Kwok｜填詞：黃偉文｜編曲：Eric Kwok / Jerald｜
監製：Eric Kwok / Jerald / Eason Chan

朋友　我當你一秒朋友
朋友　我當你一世朋友
奇怪　過去再不堪回首
懷緬　時時其實還有

朋友　你試過將我營救
朋友　你試過把我批鬥
無法　再與你交心聯手
畢竟　難得　有過最佳損友

從前共你　促膝把酒　傾通宵都不夠
我有痛快過　你有沒有
很多東西今生只可給你　保守至到永久
別人如何明白透
實實在在　踏入過我宇宙
即使相處到　有個裂口
命運決定了　以後再沒法聚頭
但說過去　卻那樣厚

＊問我有沒有　確實也沒有
　一直躲避的藉口　非甚麼大仇
　為何舊知己　在最後　變不到老友
　不知你是我敵友　已沒法望透
　被推著走　跟著生活流
　來年陌生的　是昨日最親的某某＊

生死之交當天不知罕有
到你變節了　至覺未夠
多想一天　彼此都不追究　相邀再次喝酒
待　葡萄成熟透
但是命運入面　每個邂逅
一起走到了　某個路口
是敵與是友　各自也沒有自由
位置變了　各有隊友

REPEAT＊

早知解散後　各自有　際遇作導遊
奇就奇在　接受了　各自有路走
卻沒人像你　讓我　眼淚背著流
嚴重似情侶　講分手

有沒有　確實也沒有
一直躲避的藉口　非甚麼大仇
為何舊知己　在最後　變不到老友
不知你又有沒有　掛念這舊友
或者自己　早就想通透
來年陌生的　是昨日　最親的某某
總好於　那日我　沒有　沒有　遇過　某某

今日放工行去碼頭既時候突然諗起呢首歌, 我地曾幾何時都話對方係永遠既好朋友....唔知你仲係咪咁諗呢....那夜給你的msn你是收不到還是估意看不到呢? 我會假設是前者…

2007美食展

今年係我第一之去美食展, 我同龍爺都行得好開心. 雖然我地11:00就去到會展, 但原來已經有好多阿公阿婆排緊隊試食, 佢地好pro咁帶埋架"私家車仔"去掃貨. 我地乜準備都冇, 不過好彩好多灘位都好貼心, 買少少野都會有個環保袋送, 岩哂我呢d師奶仔.

最後我地買到冇手再拎, 一袋二袋咁離開. 今日先知原來電眼都有去, 早知一齊喇, 開心d麻.

打邊爐 + 港男

今晚為左慶祝綿花糖大壽, 貝拉和龍爺一早就去街市買定新鮮既食材, 今晚吃過痛快.

甜美象拔蚌

新鮮大蝦

飯後就係我地期待己久既香港先生大賽, 我地三個人由開場笑到散場. 有D死靚仔連毛都未出齊就黎參選, 比龍爺笑佢係乖乖虎. 仲有一個43歲既阿伯, 見佢又要跳舞又做引體上升仲要玩埋雜技, 真係擔心佢會在後台暈倒. 不過最後賽果都好合理, 七號都算係全場最好樣最正常既一個. 龍爺話佢拍過少年古惑仔, 你又記得嗎??!!

2007港男得主

乖乖虎

少年羅家英

唔知阿伯返入後台要唔要搽D白花油回一回氣呢?

鄭伊健 + 魯振順

清爽的YODA

今日同YODA去整左個新LOOK. 不知幾靚仔. 個死仔仲即場溝掂左寵物店隻太子貓女, 果然叻仔!

濕星野

家姐又整親隻腳, 希望佢快d好返. (唔準到有下次喇!!)

juli, 預祝你生日快樂, 我星期六買定靚料等你上來打邊爐. (老人家驚唔記得所以預先講定)

格, 那些無理取鬧的人, 太低層次, 不要和她計較也不要放在心, 不值得. (建議那位xx如對自己個樣冇信心, 可以去參加 "唔使怕醜" 整整容. 如果對條仔冇信心就梗加要睇緊d喇而唔係周圍亂吠喇) 唉......

新舊同事crossover飯局

由摩西同事發起既"新舊同事crossover飯局"終於完滿結束.

地點於佐敦北京酒樓舉行, 此店出名冇乜招呼, 上菜速度似快餐, 食完趕你走既服務貝拉都一一領會到. 以佢咁既環境, 食物水準and服務態度當然唔不值收$180一位喇. 飯後有d人去左飲野, 橫掂都係佢地班自己友玩哂, 去到我都係陪笑罷了, 不去也.

call龍爺, 大班人已吃到差不多, 不join也, 早點回家陪yoda吧.