愉快的一天

今日同媽咪飲完茶之後家姐上來打wii, 我地兩個都玩得十分開心又叫又跳成個大細路咁, 不過都係應同越多人越好玩越開心既道理. (那麼家姐請你買多一set手掣過來下次3打好了)

之後去左剪頭髮, 龍爺原本想剪個劉華頭卻比我笑佢剪左個"爸爸閉翳"夏雨頭出來...... (大笑)

夜晚同奶奶食完生日飯之後約了火兄出來食糖水, 席上我將所有在生活上, 工作上, 人事上鬱結良久的都一一訴說出來, 個人當堂舒服哂, 大家有說有笑好快就過左兩個鐘了, 最後火兄仲陪我地去搭970x添. (真好!!)