明天我要嫁給你

二十四小時之後, 我地已經交換左介子, 我正式成為陳師奶.

期待永遠係最好既, 好希望呢一刻既感覺永遠留在我心中.

當日我求天父既, 佢已經賞賜左比我. 佢係我一生收過最好, 最珍貴既禮物, 父, 我們會好好珍惜, 愛護對方, 直到永遠.

入席安排

到係時候安排入席坐位喇....但搞左好耐斬搞唔掂.

想盡量安排熟悉既坐一圍, 原來都很困難. 後生既當然唔想同公公婆婆坐喇, 單身既又話要安排美男/女坐隔離, 真係諗到我頭爆都未諗到點安排.

所以如果小妹在位置上安排不佳, 還請大家見諒.

心煩

結婚既事已經令我心煩, 為何一件姊妹衫卻要令我煩上加煩呢?

當初唔係大家都agree一齊著既咩? 點解到左而家大家既反應要咁抗拒???!!! 我真係唔明你地有乜野憂慮. 姊妹裙係我陪大家去揀既, 你地唔係預左個日會著既咩?

著全日同著半日分別真係咁大? 夜晚在酒店唔係反而想著得靚d, 齊整d去影相咩? 如果你地咁討厭咁憎件衫, 點解仲要去租?? 我真係唔明. 個個都覺得呢個安排係岩既, 但你地卻想到如此委屈.

我只想當日大家都投入去幫我, 照顧我. 一生人只得一次, 每樣事都完美d, 日後個個都有個美好回憶, 大家可以企係我個邊諗諗嗎?

一月之星

一月三日 ~ 家敏, 祝你生日快樂, 新婚愉快.

一月六日 ~ 暉, 祝你生日快樂, 有你自己既事業.

一月十日 ~ 家姐, 祝你生日快樂, 身體健康, 永遠都開開心心.

給所有疼愛我的人說聲...

我知道只有真正疼愛我的人才會忍受得到我的壞脾氣, 真的很想對你們說聲...對不起, 我愛你!!

Master Yoda

多謝鄧主任送左隻咁趣緻既貓咪比我.

新 年 快 樂