及時行樂

生活真在太苦悶喇, 有時都唔知生存既意義係乜, 你地有冇諗過自殺? 有時自殺既念頭會在我心中閃過, 不過只係閃左一秒咁大把, 因為怕痛, 仲有就係如果下世我做唔番咁靚既大美人, 咁點算?? 所以都係今朝有酒今朝醉吧喇.做人應該要及時行樂麻, RIGHT!

紫微斗數

兩年前曾經睇過紫微斗數, 當時正正係年三十晚, 佢話我同小白臉出年一定會散, 那時正直熱戀期, 怎會想過要分開??!! 由於那神棍說我小時候的往事,性格都相當準確, 所以心裡很不開心, 我在小白臉的懷裡哭得死去活來, 好久不能平伏. 神棍先生還說我要經歷好幾次大起大落既感情生活最終才會找到白頭到老既人, 他說每段感情起碼要有三年或以上才算大起大落, 嘩!!唔係化? 咁都未算, 仲要過左三十二歲之後結婚先會長久, 仲有仲有, 係要單數歲數結喎, 唔係都唔得. OH MY GOD!! 唔通我真係咁命苦?? 不過而家諗番都係得啖笑, 而且佢既可信性都幾低, 因為佢先後幫我兩個同事睇都唔準, 冇收錢, 睇黎佢仲要俢行多幾年喇…….

是日心情指數 ﹝差差差差差﹞

前幾日寫左一篇文章係關於中秋節既, 寫完想post喇, 哼! 竟然唔得喎, 呢幾排個電腦都有d問題, 明明connect左嫁麻, 點解又上唔到嫁, 呢幾排always都係咁, 星期一以為整好左喇, 點知又唔work, 唉~唔通真係命不久己??

又或者個天覺得我上網上得太過份, 要出手制止一下??!!

~~~~~~~~~~~~~~~~~~~~~~~~~~~~~~~~~~~~~~~~

係一個月一次生理周期既影響定係工作環境令我對每樣事都提不起勁??

我只覺得公司既人當我係一個打雜, 即係佢地唔想做個d就比哂我做. 出街送辦去bank去船公司叫外買filing…….一d低下層公作都係我做, 我係屋企都唔會洗杯, 而家竟然要我洗d客飲過既咖啡杯??!!真係笑話, 哼!洗我就唔會洗嫁喇, 係咁兒用水沖一沖, 有唇膏印咩??用張tissue抺一抺囉, 即刻新既一樣!! 佢地係咪覺得比左幾千蚊我係比多我? 咁就要當我阿四咁??身為一人個receptionist, 我都可以話係十八般武藝囉.

尋找失眠良方

已經不是第一次睡得不好, 究竟為什麼呢? 今天請了一日sick leave, 去看醫生, 只是開了維他命B & C, 盛為二百大元.

看過中醫, 冇講原因, 亦不見得好了, 不看也罷.

我是個很醒瞓的人, 很輕微的聲音也會弄醒我. 我家住六樓, 四樓是個平台, 每朝七時, 那班退休人士就在我睡房下的位置做早操和大聲說話, 問小白臉可有聽到, 他說沒有便又倒頭大睡!! 那時慘得要戴上耳塞才有覺好瞓. 最近, 跳跳虎又會在同一時間貓貓叫, 是時候替她desxe嗎?

各位如有失眠良方, 請盡快告之, 無言感激!!

我想話比你聽.............

我不是...
- 我不是你想像中常發脾氣的
- 我不是你想像中不可以挨苦的
- 我不是你想像中那樣不懂事的
- 我不是你想像中不體諒你的
- 我不是每一餐也要珍修百味的

我是...
- 我是很想令你快樂多過我自己快樂的
- 我是一個你可信任的, 請, 把你每樣事和我分享
- 我是很怕鬼的, 千萬不要跟我開這玩笑
- 我是很多愁善感的

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

願所有911死難者的靈魂在主懷內得到安息, 在世的人要堅強地生活下去.

我為貓狂 (二)

其實當初是想養小狗的, 但小白臉說養狗比較麻煩, 因為要帶她們散步, 呵臭臭, 而且會有一陣狗味, 加上當時我住在公屋, 所以他提議我養貓, 由於他有養貓的經驗, 所以我都聽他的. 在未養第一隻貓之前, 我想買寵物雜誌, 上網吸收資訊, 知道多些之後, 我倆開始常常逛pet shop, 同時, 我亦開始說服屋企人比我養貓貓, 有一次我拿出雜誌問老豆如果我想養這款貓如果呀? 佢竟然說"好....好" 嘩~即刻好開心, 亦不理會媽媽會反對, 就四出尋找我第一隻貓貓.....

其實當初買湯丸都唔係因為佢特別靚, 特別可愛, 那時我只想要一隻貓, 一頭寵物完成我多年既心願而已, 反而小白臉就對她一見鍾情, 店主開價$5,500, 我地還價到$5,000, ok喇, 落左小小訂, 兩個week後接佢走. 我開始為她準備一個舒適的房間, 一些合適的用具, 心情好緊張還專登請了一天假在家照顧她....

那時正值sara, 媽媽聽說貓兒有可能是帶菌, 立刻對我說不要帶貓回來, 我說已落訂不能退回, 怎料她說賠償我下了的訂都不要貓回家, 我呢個硬頸大美人當然打死都不肯喇, 如是者到了取貓回家當日, 我小心地把放湯丸的箱子先放在我房地上, 然後慢慢再將蓋打開, 那時媽媽又進來看熱鬧, 湯丸一點都不怕羞地跳出盒, 還周圍視察房中環境, 當媽媽見到肥dodo既湯丸時, 竟說她可愛!! 嘩~真係太好喇, 媽咪接受了她, 老豆家姐都很喜歡她, 她即時成了黃家新寵兒, 媽咪更會在半夜起身抱她入睡, 就像哄baby一樣, 而家姐差不多每次回家都會買些小玩兒或零食給她, 有了湯丸, 我們一家人的話題會多左, 湯丸真是我們一家的甜心湯丸!!

我為貓狂 (一)

由小到大都好喜歡小動物, 不過由於家境清貧, 地方有限, 屋企人都通通否決, 只記得有一次我和家姐在街市買了一隻雞仔, 不過一覺醒來已經全身僵硬, 死在鞋盒. 亦不知道有沒有給她改名. 之後斷斷續續想過要養兔仔, 龍貓, 最後都比媽咪一一say no!!! 還嚇我佢地d屎好臭有好多菌之類....

直至我22歲那年搬出和家姐一起住, 滿以為可以養狗, 點知佢既反應極大, 原來佢唔係太喜歡狗, 因為佢地好臭而且會吠好大聲, 咁我話不如養貓喇, 佢又話貓會抓人, 仲話佢同事屋企養了隻家貓, 成日都比佢抓損哂, 問我係咪想對手損哂丫咁. 再加上個陣時既男友C君又係唔likey小動物既(真冇血性)仲講到super憎d貓狗!! 唉~為有嘆句無耐......

我呢個咁有愛心既大美人就緊係同呢d咁無血性, 又咁冇同情心, 又咁度叔, 又咁......(下刪一百字)既人就唔係好相處到, 最後緊係分手收場喇(執返身彩) 不過我想養寵物既慾望一d都冇減退, 仲越來越大,後來我搬回老家和媽咪老豆一齊住, 而姐仍在外出住, 地方大了點, 又再心思思想養寵物......(續)

湯丸 (又名湯bi)

仔仔 (大佬)

貓仔 (細佬)

跳跳虎 (又名虎bi)

同居or結婚??

唔知出年係咪好年呢? 身邊有d熟or唔係大熟既都宣佈出年結婚!

好似有個中學同學就會在我明年生日**即係三月三日**(各位請mark底) 做老襯, 慢慢長大就發現身邊好多朋友都開始結婚, 有d更生埋BB. 而我阿媽就亦都唔只一次咁催促我同小白臉拉埋佢, 好似驚我再唔嫁會冇人要咁. 不過我從來都冇諗過我結左婚之後會點, 做人老婆喎, 即係阿太喎, 咁老, 咪搞我. 我都係enjoy同居既關係多d.

不過, 如果有隻幾卡六抓再加99支玫瑰花就可以think think喇.....

是日晚餐

今日一個人孤伶伶咁食飯, 去city super買左半只香草燒雞, 再加一個安城湯麵*. 半邊雞食唔哂仲剩兩舊可以聽日帶番工做lunch. 之後隊左大半支紅梅婆婆, 飽到痺丫!

* 此麵不是一般麵可比美, 麵質爽口彈牙, city super有售, $5

~~~~~~~~~~~~~~~~~~~~~~~~~~~~~~~~~~~~~~~~

話說黎緊既中秋節有機會可以去"一個五星級的家", 不過有d事業心and負責心都好重既人臨時要返工, 搞到去唔成, d人尋晚打黎諗住係咁易煮餐意粉就算, 仲要諗住上我屋企搞搞震, (係未暗示要我洗碗呢?) 又冇酥皮湯又冇龍蝦意粉, 我梗係唔會咁便宜佢喇. hehe.....

遊車河, 燒野食, 單車, 唱k就係一定要嫁喇!! 如果本小姐唔盡興既話, kekeke....

肥貓一大隻