護髮3.1

據說呢隻野可以將頭髮既ph值回復到3.1, 即係咩??我都唔知, 總之係好野喇. 咁我呢個天生大美人緊係唔會錯過任何一個令自己變靚既機會, 拿拿臨去買番pack先....

我: 請問有冇3.1丫??
店員: 有, 90蚊喇.
我: 下???? 咁平, 我個fd買個隻要二百幾喎.
店員: 哦!!有3隻既, 一隻90, 一隻125, 一隻250.
我: (心諗) 嘩~識唔識做生意嫁, 緊係比隻最貴個客嫁喇.... 正一倒米壽星.
我: 有冇得碌卡??
店員: 冇嫁喎, 得eps乍...
我: 我冇esp喎 (鬼咩, 糧尾丫麻) 但又唔cash喎... (正諗住下次帶阿人肉提款機先再買過之際...)
店員: 咁你有幾多丫.
我: 得二百三乍....
店員: 咁好喇, 二百三就二百三喇..
我: (心諗) 超, 總之話得二百喇......

續~暗瘡

睇左2次中醫, 飲左幾次苦茶之後, 皮膚好似好左, 面上既暗冇再發作, 但就仍然有硬粒凸起, 一定要去做facial搞搞佢.

美容師手起針落在我面上一針一挑, 幫我d暗放血, 據說每有粒都有金象米咁大. -_-"

住家飯

好耐都冇煮過一餐正正式式既飯, 難得今日好心情, 就當益下小白臉喇.

- 紅蘿蔔雪梨豬骨湯
- 煎醸三寶
- 蕃茄炒旦
- 生炒骨(出面買)

暗瘡

天丫, 天丫, 點解.....點解會發生係我身上架, 尤其係我呢亭大美人身上!!!

話說星期六我食左個有生以來最好食既蕃茄龍蝦湯底火鍋之後, 我面上既暗瘡就一發不可收拾. 唔得, 我一向著緊我塊"闊面大風車", 唯有諗諗計, 經驗話比我聽, 如果粒瘡係又大又飽滿既, 就查乜都係唔work, 呢個時候, 唯有睇下醫生, 從體內入手.

中醫!!我需要一個中醫!! 唯有飲個d又苦又杰既藥先可以將我面上既大孖瘡澈底產除. 倫哥好好人咁幫我問左個中醫電話, 打去問原來一服藥都係廿五蚊, 仲要唔收診金, 真係為我地呢d窮人著想.

我專登早走左三個字, 以為有排第喇, 點知比我想像中冇咁多人, 阿醫師好快咁幫我把過脈同埋睇下條脷仔, 問下我乜事就開左三服藥比我, 好cool!! 前後唔駛五分鐘, 勁!! 反而專記收錢個名姐就好nice囉. 希望飲左d藥會好訓d喇. zzzzZZZZ.........

混混惡惡的一天

星期一, 一個星期最憎既一日.

早上八時, 鬧鐘響起, 我例牌按停佢, 然後再訓, 一直到八時三十分, 真係再唔起身就遲到個隻先免為其難去梳洗, 如果唔係兩個禮拜前請左sick leave, 我諗我今日都會sick一sick. 不過好彩阿伯(我boss)去左上海, 冇佢係度, 真係心情都靚d, 時間又過得快d, 空氣清新d (因為唔駛吸佢d二手煙).

混混惡惡咁就過左一個上午. lunch食左個叉燒煎旦飯, 出奇地好食, 跟住又混混惡惡咁過埋個下午.


唔知點解今日好想飲老火湯, 冇計, 唯有自己煲. 不過唔知點解點都煲唔出媽咪個d愛心靚湯. 因為小白臉要加班, 所以自己一個食飯, 自己一個睇下電視, 同跳跳虎玩下(定係我比佢玩???).

沖完涼之後整盒冰凍既維他檸檬茶, 再開行冷氣嘆世界真係人生一大快事.

------------------------------------------------------------------------------------------------

今日係二次大戰結束六十年既紀念日, 電視播著當年七三一部隊在哈爾濱設立研究細菌武器總部, 如何殘忍地對待中國人民, 眼淺既我忍不住哭了出來, 我知道我如何心痛都不及那些親身經歷的受害人或其家屬感到憤怒及難過, 從前覺得做中國人是可悲既我, 不禁為自己無知既思想感到可恥........

"日本人要自省, 不要自大

中國人要自強, 不要自卑"

美容教室 - 平野未必冇好野

話說我呢個大美人間唔中都會生下大孖瘡, 最近我用過一隻效果幾
好, 唔貴, 又唔會好強烈既暗瘡水"貴花活血暗瘡水", 早晚查佢幾日, 油脂粒走米細左. $80-6ml, 裕華國貨

放我出黎呀.........

一個無聊既星期日

由於昨晚玩大富翁至零晨四點既關係, 今日起身已經係下午既三點三. 同andy落去食左個早餐+午餐+下午茶, 之後在極度無聊既情況下, create左呢個野, 多得倫哥既提點, 先可以順利完成!!