平安夜, 升仙夜

今晚去左九華做彌撒, 完左之後在禮堂有食物飲品供我地享用. 唉~~呢個世界真係唔哂錢既野就特別多人搶, 我以為住高尚住宅既人會有儀態d同埋高尚d, 點知都係不外如是, 算吧喇, 出去自己搵食好過. 五個人去左食松記糖水, 我仲去左探虎bi, 虎bi而家真係好食好住, 大隻到我都嚇左一跳.

平安夜前夕

今日帶左媽咪去揀媽咪衫, 過程十分順利, 我呢個乜都順得人既媽咪真係令我煩少好多野, thanks mama.

自己就揀多左一件直身婚紗for酒店進場時著, 大露背加大蝴蝶, 十分喜歡, 各位到時同我個背脊影多d相喎.

夜晚juli上左黎一齊食飯, 我地互相交換禮物. 多謝juli仲記得我鍾意d乜. 之後我地三個人睇恐怖片仲食雪糕呀. 是夜真係好開心, 雖然人少少但感覺溫暖.

煮飯仔

連續做左兩晚煮飯婆, 今晚既餸有冬菇蒸肉餅, 腐乳炒生菜. 好彩公司有個識煮飯既同事, 我呢d低level既人唔明又或者諗唔到食乜都可以即刻問佢, 好過睇肥媽私房菜. 講開又講有睇開既人都知呢條友越來越唔掂, 自認係廚房CEO喎, 真係笑大我個口!!

anyway, 煮飯雖然辛苦, 但見住龍爺食得津津有味個樣已經值回票價喇!!! 突然間好掛住媽咪d飯菜添, 聽日一於返娘家飲下愛心湯先!!!

JUST WANT TO SAY......

HAPPY BRITHDAY TO MY DEAREST.

YES SIR!!!

Being Thai Thai

泰國, 我真係對你又愛又恨. 每次你都令我滿載而歸, 但又令我洗突副身家. 返到香港我又對你念念不忘, 唔知幾時又再可以品嚐大頭蝦, 冬陰功, 海南雞, 豬手飯, 魚生, 串燒……

不過我最唔捨得係d高跟涼鞋, 點解你地又平又靚又正呀? 今次只能帶兩對返黎, 下次我一定有多d彈藥, 掃哂你地返香港!! Trust me, I’ll be back!!!

Honeymoon去布吉+泰國好冇呢??

鳴謝是次機票住宿贊助人: 小妹家姐, 旅費贊助人龍爺

姊妹團 GO GO GO

琴晚係姊妹團等一次坐埋傾wedding party既細節, 地點係我屋企. 其實都係吃喝玩樂多d, 晚餐有超好味既手打魚旦+墨魚丸, 傾到咁上下龍爺仲買糖水比我地食, 真好!!

可惜既係, MC暉黎唔到, 有d掃興, anyway, 29號再玩過!

等左三個月, 比我等到喇!!

慢工果然出細貨, 好野係要等下既...

難得我同龍爺都好滿意, 家人朋友都好比面有讚冇彈, 多謝多謝.