徹底失望

我, 在此發表聲明, 對富xx公司徹底失望, 從今日起我唔會再攞個心對呢開pk公司, 個pk老細, 做事一定會得過且過, 有咁衰得咁衰, 我走左之後要快d執笠, d高層個個瞓街! 講完!!

滋補養顏雪蛤膏

究竟幾時開始我變得咁滋陰呢? 以前覺得嘔心既野, 而家我竟然食入口?? 仲自己買黎整呢? ? 或者我開始感到歲月催人老喇, 近期天氣變得乾燥, 我塊俏面都變得又痕又乾, 聽同事說吃雪蛤膏面便可變得滑滑, 拿拿臨走去"隊"左兩碗, 頭先去買左一兩諗住自己煮, 哈哈~我冇錢食燕窩, 唯有密密食雪蛤膏補補喇.

繼續懶惰

已經好耐冇update過我既生活喇, 最近做乜都提唔起勁咁, 個人好懶.

十一月中會和媽咪去旅行, 期待中......

十二月要搬出我同小白臉既家, 大美人和跳跳虎要天各一方, upset中......

美人與狗與baby

呢隻係朋友家姐隻狗-寶寶, 太可愛喇實在. 搞到想即刻養番隻.

友人既家姐應該選擇唔要baby, 所以同老公養左2隻史立莎. 生唔生bb呢個問題我都有諗過, 唔係話乜, 如果比唔到最好既野佢, 我係寧願唔生, 仲有就係我希望如果我有生baby既話我係會做全識煮飯婆. 仲有就係最好生兩個, 唔駛一個做獨家村咁悶.

所以諗落條數都係養多幾隻貓貓狗狗好過喇呵~小白臉.

手提美容機

多謝小白臉送左部我恨左好耐既美容機比我, 點解話我恨左好耐呢, 第一, 如果我見到樣野好鍾意, 我會第一時間買唔埋三七二十一買左先算唔埋有冇錢食飯, 不過呢個惡習自近幾年已經改左好多, 而且部野成三千蚊, 慳慳地可以去台灣三日兩夜都唔錯. 不過我呢個天生貪靚既大美人係唔會放過任何一個令我變靚D既機會, 而且部機聲稱可以代替出去做facial, 真係越諗越恨!! @_@

就係上個星期六, 小白臉同我去左免費試做一次, 之後佢就買左一部我恨左兩年既”手提美容機”喇! 呵呵~皮膚快d變靚d喇~~呵呵……

好男人

身邊有幾位好男人感情生活都沒有著落, 不過我發現他們都有一個共通, 就係仍然掛念個ex, 可以咁講, 係對”她”仲有感覺. 不過有一樣好怪, 就係大家都異口同聲話自己已經放底左, 真的放底了嗎? Of couse no la~ 我最憎, 亦都最怕個d自以為好堅強, 但其實最脆弱個d, 乜呢個世界真係咁多個d”多情自古空餘恨, 此恨綿綿無絕期”既人咩??

Come on!! 呢個世界, 只要你仲係一個男人, 就唔怕做和尚喇, right? 更何況你地都係一個”好”男人呢.