貝拉夫人: 2月 2007

枉為人

最近有位中學同學於3月4日註冊結婚, 聽聞個日係中國情人節喎. 咁呢位男同學就好有心思咁同佢既愛人參加左唔知邊到搞既中式婚禮, 連埋其他幾pair人一齊係times square地面搞喎. 應該係有哂記者有哂途人圍觀個d囉.

拿, 我想講既重點唔係話佢地好sweet呀, 哎呀, 好浪漫呀呢d廢話. 我知佢搞d咁所謂”羅曼蒂克”既婚禮係因為前兩日收到一個姊妹既FORWARD email. 嘩~你睇佢有誠意到呢….想人去睇佢台monkey show都唔該唔好叫人forward咁肉酸喇, 應該好似我咁大大方方俾張貼佢呀麻, 佢唔到我都係蝕張餅卡加$20啫, 好過而家比我唱喇.

不過另一個case仲cheap. 話說上年我生日正日咁岩有個又係中學同學結婚喎, 我放棄同龍爺candle light dinner都比面出席, 坐足全場, 人到禮又到, 仲要提意一齊寫張賀卡比佢. 咁今年輪到我, 我當然會請佢飲喇. 不過佢最尾都冇出現到, 冇出現都唔緊要, 但人情電話ecard連sms乜Q都冇. 嘩….呢d咪叫賤囉, 阿媽教落做人要禮上往來, 人地今日做幾多人情, 他朝就要做番幾多. 呢條xx咁都唔識真係枉為人囉…

我請公司清潔阿姐食餅, 佢都專登托我d同事封左$100比我喇, 人地做清潔都識呀, 你地班xx係咪要好好自我反省下呢??!!

陳黃聯婚 (下集)

笑笑笑....由六點半開始就一路笑唔停, 影相過程尚算順利. 個個見到我都讚我靚呢! yeah!! 目標已經達到左, 呵呵~~ 同事舊同學比面出席, 貝拉真係很高興很興奮呢!!

進場喇, 好緊張呀…

到左玩遊戲環節喇, 呢一part我一世都唔會忘記嫁. 多謝有份獻出你地美腿既兄弟們. 阿暉, Steven, 你地d’演技’好掂呀, 我真係以為你地玩緊收賣佬遊戲呀, 我知道大家都好用心去籌備, 你地令貝拉好感動!!!

完滿結束, 我同龍爺都鬆一口氣.

貝拉在此再一次衷心咁多謝每一位為陳黃聯婚出過力既兄弟姊妹, 冇左你地, 個婚禮一定唔會咁熱鬧. 所以下次到你地結婚, 記住一定要請龍爺貝拉做兄弟姊妹呀!!!

我要陪媽媽睡

Yoda太痴人了, 這晚自己跳上來要跟我睡, 不過最後慘被龍爺趕出房門口. Yoda...你太可憐了, 下次爹爹不在, 媽媽愉愉地買麥當當薯條請dada豬食.

清新沙拉

龍爺知我呢幾排便便唔係咁暢順, 要親手整沙律比我食. 睇佢有板有眼, 又整得唔錯喎.

記住上面加幾舊蒜容粒粒飽, 好味d嫁!!

拜年事件薄

年初一, 起身沐浴更衣後, 沖沖趕去同老爺奶奶拜年. 不過點解冇利是收既??!! 唔係長輩都要比既咩??!! 不過好彩返阿媽到有兩封利是補返數....嗚嗚...

年初二, 返娘家食過開年飯後隨即出發去大埔向龍爺婆婆拜年. 嘩, 好彩佢姨婆個邊d女呀, 孫呀唔係到啫, 一來派少幾封行是, 二來又唔駛聽阿邊個邊個係邊到讀書返黎, 係邊間律師樓做野, 呢d三姑六婆真係麻Q煩.

年初三, 成班兄弟姊妹上黎豆利是, 今年係我第一年派利是, 感覺真係好唔慣, 只係沖沖將d行是'隊'比佢地就算, 都唔醒起要恭祝下佢地. @_@. ANYWAY好多謝大家既禮物呀, 你地每次上黎都帶比我好多歡樂!!

年初四, 今日要返工喇, 不過好多同事都攞左假, 全公司唔計d死鬼佬得5個人返工. lunch去左飲茶, a/c女人請, 所以一定有甜品食. 見冇野做, 同d同事影下相聯誼下, 係咁易就過左一日喇, 如果日日返工都咁清閒就好喇.

陳黃聯婚 (上集)

終於的起心肝寫一篇”我的完滿婚禮”……

籌備大半年既婚禮, 只不過為左十五六個鐘既’表演’. 見到演出成功, 幾個月來既時間, 金錢, 心思, 眼淚仲有精神都係值得既.

兄弟姊妹當日都相當出力, 多謝佢地比面. 早上玩新郎遊戲好搞笑, 令在房等候既我不時大笑, 龍爺一d都唔緊張仍然咁生鬼, 兄弟都不改佢地咸咸地既對白, 姊妹當然勁喇, 花心思整左咁多'好野'益d兄弟.

上左花車等候開車期間, 竟然有個女途人恭喜我喎, 真係令我好感動呀. 過到男家好多人呀, d兄弟姊妹要企到出冷巷, 好熱鬧好開心呀!!! 落到街個個都望住我呀, 差d以為自己你大明星, hee~

去到令我最緊張既部份喇, 在教堂化好妝換好衫就要準備march in喇, 我橋住老豆一路行一路行…. 由於佢行路比較慢, 我要跟住佢既節奏. 嘩, 有幾次差d要趺底呀. 當時既我腦裹早己一片空白, 神父問我既問題我都係臨時發揮, 死梗, 到睇片時一定好核突 >.< 估唔到Andy真係會抱起我再一次march in, 個一刻我真係好開心. 影相時有d兄弟又做出一d怪post, 個一刻我先放鬆少少, 不過一放鬆就覺得好眼訓喇, 去到酒店房我食完碗河粉就訓左, 從未試過熟睡得咁緊要, 即使短短半個鐘. 之後伴娘拎晚裝第一號比我, 換完衫就怱怱上新娘房化妝...... (未完)