拜年事件薄

年初一, 起身沐浴更衣後, 沖沖趕去同老爺奶奶拜年. 不過點解冇利是收既??!! 唔係長輩都要比既咩??!! 不過好彩返阿媽到有兩封利是補返數....嗚嗚...

年初二, 返娘家食過開年飯後隨即出發去大埔向龍爺婆婆拜年. 嘩, 好彩佢姨婆個邊d女呀, 孫呀唔係到啫, 一來派少幾封行是, 二來又唔駛聽阿邊個邊個係邊到讀書返黎, 係邊間律師樓做野, 呢d三姑六婆真係麻Q煩.

年初三, 成班兄弟姊妹上黎豆利是, 今年係我第一年派利是, 感覺真係好唔慣, 只係沖沖將d行是'隊'比佢地就算, 都唔醒起要恭祝下佢地. @_@. ANYWAY好多謝大家既禮物呀, 你地每次上黎都帶比我好多歡樂!!


年初四, 今日要返工喇, 不過好多同事都攞左假, 全公司唔計d死鬼佬得5個人返工. lunch去左飲茶, a/c女人請, 所以一定有甜品食. 見冇野做, 同d同事影下相聯誼下, 係咁易就過左一日喇, 如果日日返工都咁清閒就好喇.