再見喇.....三越

小五前都是住在銅鑼灣的我, 假日最大娛樂就是媽媽帶我出街.

環境不好, 所以來來去去都是一些電車可以到達的地方. 維多利亞公園, 集城和三越百貨.

三越實在太方便了. 化妝品 - 有! supermarker - 有! 衫褲鞋襪胸圍底褲 - 有! 電器 - 有! 文具 - 有! 日本雜誌 - 有! 食野 - 有! (再數落去可能寫到聽朝) 總知乜都有, 仲有就係唔會好似sogo咁多人.

好唔想亦都好唔捨得佢執凹. 你地有冇去過第二層個間日本餐廳?? 門口有個玻璃櫃放左幾層食物display, 款款都造得好似, 細個其中一個娛樂就是和媽媽看看這些假食物, 真的很有趣! 吃當然沒有我份喇, 咁貴! 沒有吃過真的會後悔, 因為這裡的鐵板牛肉真的很好吃, 再來一碗日本珍珠飯真係good fit!!! 當然我有帶媽媽來呀, 她很開心, 可能大家都沒想過會有一天真的在這餐廳吃飯吧!!

和媽媽, 朋友甚至龍爺在三越都有太多太多美好回憶了, 三越, 多謝您, 妳會永遠永遠在我心中......